Subscribe Us

custom_html_banner1

Kurti e shkarkon Gashin dhe hidhet në lëvdata: E çmoj për mendimin kritik, kam mësuar nga ai

Kryeministri në detyrë i Kosovës, Albin Kurti e ka shkarkuar nga pozita e këshilltarit Shkelzen Gashin i cili dje tha se UÇK ka kryer krime lufte ndaj serbëve të pafajshëm.
Por, Kurti nuk i ka kursyer aspak lëvdatat për ish-këshilltarin e tij. Ai tha se këto deklarata të tij patën pasoja shpërqëndruese dhe debatin e tij Gashi është mirë mos ta bëjë nga pozita e këshilltarit.
Ai e ka falënderuar e çmuar Gashin, duke thënë se nuk është një bashkëbisedues i lehtë dhe se ka mësuar nga ai.
Ky është postimi i plotë i Kurtit:
Sot e kam takuar dhe më pas e kam liruar nga detyra këshilltarin tim politik, z. Shkëlzen Gashi.
Disa deklarata të djeshme të tij patën pasoja shpërqendruese nga puna e mirë e qeverisë në detyrë. Konsideroj që është më mirë që debatin në të cilin është përfshirë ai të mos e bëjë nga pozita e këshilltarit tim.
E falenderoj për kontributin e dhënë. E çmoj për mendimin kritik. Ka aq shumë gjëra për të cilat pajtohemi në të tashmen, ka edhe të atilla për të cilat nuk pajtohemi nga e kaluara. Z. Gashi nuk është një bashkëbisedues i lehtë. Nga kjo vështirësi kam mësuar.